Dank grossartige Spände vom Stamm und dr Alte Garde hänn mir au dis Joor mit de Knorzi widr an Mässbummel könne go. D Knorzi sin zahlriich am 6i bim Wettsteischuelhuus parat gstande und es het jedes 20 Franke Mässbatze becho. Denn hän sich schnäll Grüppli bildet wo sich Richtig Mässeplatz, Rosetalaalag und Kasärne ufe Wäg gmacht hän. Die grössere ellei und die kleinere mit Begleiter. E paar hän ihre Mässbatze bruucht zum uf die neui Achtibahn uf dr Kasärne zgo, anderi hän sich lieber e Schoggibanane oder Zuckerwatte kauft. Eso sin sicher alli uf ihri Köschte cho. Nach eme tolle Mässbummel hän mir uns widr am Mässeplatz troffe, sin no kurz für e Gruppefoti zämmegstande und hän denn d Knorzi fascht pünktlich am 8i widr zum Wettsteischuelhuus broocht.
Au dis mol widr e härzliche Dank an Stamm und die Alti Garde für d Spänd und de Begleiter wo mit mir uf die Horde Knorzi uffpasst het.
