Am 19. März stelle mir uns zämme mit andere Clique usem Glaibasel vor. Vom 10ni bis am 4i kasch die verschiidene Clique im Glaibasel an ihrem Stand bsueche und kennelerne. Und wenn de bi dr Challenge an jedem Stand mitmachsch und die bestohsch, gwünsch no e tolls Pryysli.
Mir sin mit de Wettstai Knorzi am Claraplatz (Ecke Clarastroos – Claragrabe).
Du kasch die verschiidene Clique uf unterschiidlichi Arte finde:
Kumm ins Glaibasel und folg dine Ohre, denn findsch e Jungi Garde wo drummlet und pfyfft. Gang ihne nooche und du landisch bi eim vo unserne Standort.
Folg em Wägwiiser wo am Claraplatz stoht
Oder lueg uf dem Link wo die verschiedene Clique sin –> Do findsch alli verschiidene Standort