Zum d Fasnacht usklinge loh, sin mir au das Joor uf e Bummel gange. Zerschd sind mir in Füllinsdorf go UV- Minigolf spiele, das isch sehr luschdig gsi. Dernoch hän mir in Basel, passend zu unserem Sujet e Zwärgechallenge gmachd. Mir hän Mensche mit luschdige Zwärgekappe gsuecht, Zwärge uf d Strosse gmolt, Pyramide baut und Gedicht erfunde. Natürlich het au s drummle und pfiffe nid dörfe fähle. Bis zObe spoot sind mir durch dGasse zoge und hän so dr Frau Fasnacht adié gseid.
Jessica & Fabian
