Fasnachtsbyyträäg

Nach eme wunderschöne Moorgestraich hän sich zem Cortège 40 Chemieaffe und Versuechs-Joggelis, aagfiehrt vom Oberaff Dave Dääge, am Bankverein droffe. D Knorzi hän s Sujet "Chemieaffe sueche d FCB-Erfolgsformle" usgspiilt. Im Vortrab sin drum d Versuechs-Joggeli gloffe, wo erkenne loh hän, as scho dr Äind odr Ander Versuech uff em Wääg zum Erfolg in d Hose gangen isch. Uff em Requisit isch e gschyterte Versuech vo Chemieaffe abgfiehrt worde. D Ladärne het sich stark mit dr Erfolgsformelfindig im Labor beschäftigt und drhinter isch au scho dr Chef vom Zug koh, dr Dambourmajor als Oberaff Dave Dääge. Är het sini Chemieaffe voll im Griff ka, wo flissig drummled und pfyffe und drbyy d Erfolgsformle nie us em Blick loh hän. Das het sich, wie mr hütte wüsse, absolut glohnt und dangg unserer Arbet hän mr grad zwei Titel dörfe fyyre. Nach em Cortège am Mäntig hän d Knorzi amene neue Ort ...

Do findsch die schönschde Impressione vo unserer Fasnacht 2024. Unser Sujet het ''100 Joor Disney'' gheisse. Als Dornrössli und ihri Zwärgli sind mir durch d Strossse zoge. Au die bösi Häx, dr giftigi Öpfel und em Dörnrösli ihre Prinz hän nadürlich nid dörfe fähle. Mir hän e super Zyt gha, au dank unserne tolle Zugsbegleiter:inne, wo uns so toll betreut hän. E grosses Danke an alli, wo uns die grossartigi Fasnacht ermöglicht hän.Fabian ...