Für äimol hän d Knorzi s Piccolo und d Schlegel dehäim gloh, s isch nämligg widr emol an dr Zyt gsi, d Mäss unsicher zmache. As das au klappt, hän sich pünktlich uff die 6i 31 Knorzi im Hof vom Wettstaischuelhuus droffe. Wie jedes Joor, hän dr Stamm und d Gniembbi e grosse Mässbatze gspändet, wo sich d Knorzi riiesig druff gfreud hän, s sin nämlig ganzi 30 Stutz pro Knorzi zämme koh. An däre Stell e grosse Dangg an alli Mässbatzespänderinne und Spänder. Mit vollem Portemonnaie ischs denn ändlig los gange und so sin d Knorzi in Grüppli usgschwirrt und zwei Stund lang über d Mäss zooge. Uff em Ruggwääg sin denn mit ganz viel Begäischterig, sämtlichi Storys über die verrucktischte Bahnfahrte usduscht…und dr eint odr die ander mit ere Keule verdrosche worde, e glungene Mässbummel also.
Fabian
