MEERZ
Los goot’s. Mäld di mit em Kontaggtformular oder uf Email-Adrässe a und wird au du e Wettstai-Knorzi.
ABRILL
Am erschte Donnschtig nach de Schulferie starte mir ändlig mit em Iebe.
MAIE
So langsam nimmt dr Drummel- und Pfyfferunterricht richtig Fahrt uff. Mir befinde uns in dr Vorbereitig fir d’Fasnacht.
JUNI
Jetzt isch unseri fussballerische Könne gfrogt. Am “Clique-Grümpeli” zeige mir de andere Fasnächtler*inne wo dr Hammer hängt!
JULI
Unsri Instrumänt bruche emol e Pause. Mir gniesse d Summerzyt.
AUGUSCHT
In dr letschte Wuche vo de Summerferie träffe mir uns zue mene gmietlige Grill- und Spielplausch. Nur e Wuche spöter isch denn au scho s’Knorzi-Weekend. E Highlight!
SEBDÄMBER
Mir sin wieder flyssig fir di “drey scheenschte Dääg” am iebe.
OGGDOOBER
Ass an dr Fasnacht au alles sitzt, probiere mir unseri Larve a und nämme Mass fir unseri Goschtym. Im Atelier baschtle mir an unsere Larve.
NOVÄMBER
An dr Herbschtmäss derfe unseri Instrumänt emol Pause mache. Mir mach en Ussflug an d Herbschtmäss.
DEZÄMBER
Mir schlyffe an unserem Fasnachtsufftritt.
JÄNNER
Alli zwai Joor gits e gmainsame Oobe mit dr ganze Clique und mir präsentiere uns mit emene Ufftritt. Abwächselnd trätte mir vor unserne Eltern uff und zeige, was mir bis jetzt glehrt hän.
HOORNIG/MEERZ
Bald ischs sowyt und d Fasnacht stooht vor dr Dire. Doch zerscht teschte mir unseri Instrumänt und unser Kenne an dr Marschiebig in dr Lange Erle und in dr Grien 80. Denn stoot de “drey scheenschte Dääg” nyt me im Wäg. Anderhalb Wuche spöter gniesse mir mit em “Bummel” dr Räscht vom Fasnachtszauber.
