Am 6. Januar 2018 het dr Wettstai-Clique-Oobe stattgfunde. Mir sin mit dr ganze Clique ai mol um d’Wält greist. Mit ganz vielen tolle Ufftritt.
Bim erschte Ufftritt vo de Knorzi sin mir zu de Aarber und hän nacheme Hänschen Klein als listiig dr Arabi ghört. Grad nochdäm Ufftritt isch scho dr erschti Gang us Griecheland cho, e griechische Salat.
Nach dere Vorspiis isch im zwaite Blogg mit de Darbietige wiitergange. Grad als erschts hets Spiil vo de Knorzi uns mit uf Belgie gnoh und dr Sambre Meuse präsentiert. Vo de drei grosse Spiil-Dambure hän mir e wunderbari Daagwacht ghört. Super gsi! Denn hän au die grosse Pfyffer vom Spiil zeigt was sie vorbereitet hän. Sie hän uns uf Ängland mitgno in d’Wält vom Harry Potter und hän Titelmusig vom Harry Potter vorpfyffe.
No ganz viilne andere sehr scheene Ufftritt hets Programm mit emene gmainsame Wettstaimarsch gändet.
Dr ganzi Oobe isch e tolle Wettstai-Aalass gsi. Schön sin so viil derbii gsi und hän sich fir ihre Ufftritt so toll vorbereitet.