Wettstai-Obe

Wann:
06/01/2018 um 18:00 – 22:30
2018-01-06T18:00:00+01:00
2018-01-06T22:30:00+01:00
Wo:
Allmendhaus
Allmendstrasse 36
4058 Basel
Schweiz
Preis:
kostenlos

Am 6. Januar 2018 isch dr Wettstai-Clique-Obe stattgfunde. Mir sin mit dr ganze Clique ei mol um d Wält greist. Mit ganz viilne tolle Ufftritt.

Bim erschte Ufftritt vo de Knorzi sin mir zu de Araber und hän nacheme Hänschen Klein als Iistiig dr Arabi ghört. Grad noch däm Ufftritt isch scho dr erschti Gang us Griecheland cho, e griechische Salat.

Nach dere Vorspiis isch im zweite Blogg mit de Darbietige wiitergange. Grad als erschts hets Spiil vo de Knorzi uns mit uf Belgie gnoh und dr Sambre Meuse präsentiert. Vo de drei grosse Spiil-Tamboure hän mir e wunderbari Daagwacht ghört. Super gsi! Denn hän au die grosse Pfyffer vom Spiil zeigt was sie vorbereitet hän. Sie hän uns uf Ängland mitgno in d Wält vom Harry Potter und hän d Titelmusik vom Harry Potter vorpfyffe.

Nach ganz viilne andere sehr schöne und spannende Ufftritt hets Programm mit eme gmeinsme Wettstaimarsch gändet.

Dr ganzi Obe isch e tolle Wettstai-Aalass gsi. Schön sin so viil drbii gsi und hän sich für ihri Ufftritt so toll vorbereitet.

Anmeldung Wettsteinabend

Glyggeobe Vorakündigung