Ändlich isch’s widr sowit gsiii…dr traditionell Knorzi-Mässbummel isch vor dr Düür gstande! Uf die 6i hän mir ys voller Vorfreud im Hof vom Wettstaischuelhuus droffe. Nochdäm alli ihre, vo dr Alte Garde gsponserte, Mässbatze entgege gnoo hän, ischs in drei Gruppe losgange. Uf em Wäg zum Mässeblatz sin scho die erschte Plän gschmiidet worde, uf welli Bahne s söll goo. Zwei Stund lang hän mr unsere Adrenalinspiegel uf de verschiidenschte Bahne in d‘höchi schiesse loh, bim Büxewärfe die gröschte Priise abgruumt und an de vielne Ständ die feinschte Siessigkeite verkoschtet. Die Zwei Stund sin wie im Flug verbii gange und so hän mr ys denn am 8i mit vielne schöne Erinnerige uf dr Heimwäg begää.
