Au in däm Joor sin mir mit de Knorzi im traditionelle Knorzi Weekend gsi. Während em Wucheänd hän mir viil Ziit kah zum in verschiidenschte Grüppli zproobe und Märsch aazluege. Drzwüsche hets amme e Snack-Pause gäh und Knorzi hän Ziit kah zum ufem Sportplatz Spiili zmache oder hinter em Huus PingPong zspiile.
Do no e paar Wortmäldige vo de Knorzi:
S Knorzi-Weekend …
- isch toll gsi will me viil het könne drummle (Kevin, 12)
- isch toll gsi (Luca 9)
- isch toll gsi will ich au emol dr Sven als Instrukter kah ha (Elin, 7)
- isch toll gsi will ich mit dr Elin ha könne drummle und mir do übernachtet hän (Joel, 7)
- isch super gsi will mir alli zämme Spass kah hän
- isch mega toll gsi (Mauro, 10)
- isch toll gsi will ich au mol anderi Pfyfferinstrukter und anderi Grüppli kah ha zum pfyffe (Amélie, 8)
