D Knorzi wärde am Dorfplatzfescht in Rieche widr e Stand mit Kaffi und Kueche ha. Näbedra wärde intressierti Kinder au d Möglichkeit ha emol ufeme Piccolo probiere e Ton use zbecho oder mit Drummelschläger ufeme Böckli zspiile.
Für dr Kuecheverkauf sin mir natürlich uf ganz viil Kueche und anderi Köstlichkeite aagwiise und sin sehr froh um jedi Kuechespänd! Mäldet euri Kueche doch bitte bi dr Obfrau aa (nora.oertli@gmail.com).
Schichte
Es git vier Schichte zwüsche 10ni und 6i zobe. Pro Schicht sötte jewiils öbbe fünf Knorzi am Stand si. Dorum sin mir uf euri Iisatz aagwiise. Gärn dörfe sich d Knorzi au für mehreri Schichte iischriibe.
Schicht 1: 10.00-12.00
Schicht 2: 12.00-14.00
Schicht 3: 14.00-16.00
Schicht 4: 16.00-18.00
Ständeli
Mir wärde am 2i e Ständeli uf dr kleine Bühni gäh. Mir wän jo zeige was mir könne und eso viilicht au anderi Kinder für s Drummle und Pfyffe intressiere.